Los olivièrs «bonzaï»...

   Los olivièrs «bonzaï» E ara ! ! ! de qu’es aquel biais ? De qu’es aquela poda? Quelle est cette taille ? Aquò es de chinés, de «chinoiseries». Aquò es pas de bon ! De qu’es aquela costuma de podar los olivièrs que semblan de topinàs, des piramidas, diriai d’escobas de ginèstas, de baleges «O’Cedar» Qui ressemblent a des balais-brosses.

   Amic te cal pas oblidar que l'olivièr, es el que dona las Luques del Lengadoc e tanben las picholinas de Nîmes, per escarrabilhar los aperos. Des olives pour embellir nos fêtes. De segur, aquò se fa pas tot sol. Aquò se merita. Cal èstre digne de l'olivièr e de las olivas.

   Cal preparar una aiga-sal. Plan dosar l’esperit de sal. Te cal pas trompar se vos pas agantar mal de ventre. Cal bolegar tot aquò mai d’un còp

   Te parli de la miranda de miranda, la merveille des merveilles : l’òli d’olivas ! Lo fondament de cosina del pais nòstra. Per topinejar aioli, maionesa, saussa d'ensalada, que nos fan pantaissar.

   Los olivièrs bonzai ne'n volem pas mai.

   L'olivièr es una bèstia salvatja, una bèstia de libertat. Aquela poda es una vergonha, es una insulta, una profanacion de son tronc abogrit dempuèi de temps. Oui de son vieux tronc rabougri. Es un arbre cargat d'istòria, de simbòls de patz,de colomba de Picasso e lo brin d’olivièr, de simbòl d’espèr de Noé. C’est l’arbre de notre Histoire.

   Avise ! Avise ! arrestatz tot aquelas profanacions. Es pas de bon !

   Cresi qu’anem montar lo «Front de liberacion de l’olivièr» lo F.L.O. per ocupar los viradors d'olivièrs bonzaï. Nos cal trapar des “gilets vert olive”...

   Un cisèl de poda, un ressèt, una pigassa,anem rectificar tot aquò. Un tròs de fogassa, un veirat de rosat que fa bronzar e cric e crac la causa es acabada.

                                                                                                                            

Enric Chavernac del Redondel

Chroniques "LA FOGASSA SALADA" proposées par Henri et diffusées sur "RADIO LENGA D'OC"

Retrouvez cette radio en langue occitane sur   http://www.radiolengadoc.com/

Cronicas de L'Enric del Redondel